Kvenkynsbruggararnir frá Mikkeller á Bjórhátíðina á KEX Hostel, sem hefst á morgun

KEX Hostel heldur hina árlegu íslensku bjórhátíð í fjórða sinn dagana 24.-27. febrúar. Hátíðin er haldin í tilefni af 27 ára afmælisdegi íslenska bjórsins, en þann 1. mars árið 1989 var almenn sala á bjór leyfð eftir 74 ára sölubann. KEX Hostel hefur boðið íslenskum og erlendum bruggurum í heimsókn til að kynna sig og sína framleiðslu dagana sem hátíðin fer fram.

Sjá einnig: Íslenska bjórhátíðin á KEX Hostel í fimmta sinn – Snapchat veitingageirans verður á staðnum

Öll helstu brugghús landsins taka þátt í hátíðarhöldunum og munu bruggarar frá Borg, Ölgerðinni, Einstök, Vífilfelli, Bryggjan Brugghús, Segul 67, Ölvisholti og Kalda kynna starfsemi sína á KEX Hostel. Erlendu bruggarnir koma frá örbrugghúsum í Danmörku (To Øl, Mikkeller og Alefarm) og Bandaríkjunum (The Commons Brewery, Pfriem Family Brewers og Surly Brewing Company) og sérhæfa sig í framleiðslu á hágæða handverksbjór (e. craft beer) af ýmsum toga.

Í fréttatilkynningu kemur fram að á hátíðinni í ár bætast við þrjár nýjar staðsetningar og eru það annars vegar Mikkeller & Friends Reykjavík og veitingastaðurin við Hverfisgötu 12 og hinsvegar Fiskislóð 73.  Á Mikkeller & Friends Reykjavík og Hverfisgötu 12 hefst dagskráin Bjórvikunni mánudaginn 22. febrúar þar sem bjórar frá Warpigs í Danmörku, Upright í Oregon og Omnipollo í Svíþjóð yfirtaka húsið.  Sænska veitingahúsið Omnipollo‘s Hatt mun taka yfir eldhúsið á Hverfisgötu 12 á 24. og 25. febrúar og það er veitingahús í sænsku handverksbruggarana frá Omnipollo.

Bjór og bjórhátíðir hefur mörgum þótt nokkuð karllæg fyrirbæri og má benda á að í ár koma kvenkynsbruggarar frá danska brugghúsinu Mikkeller og verða einnig margir aðilar í Félagi Bjóráhugakvenna á hátíðinni í ár.  Gaman að því.

Fleira tengt efni:

[feed url=“https://veitingageirinn.is/tag/islenska-bjorhatidin/feed/“ number=“5″ ]

Mynd: www.kexland.is