Kveldúlfur opnar aftur en ekki með týpíska bar stemningu – Myndir

Barinn Kveldúlfur á Siglufirði hefur opnað að nýju eftir gagngerar breytingar og endurbætur á staðnum.

Eigendur tóku ákvörðun að hætta með týpíska bar stemningu og minnkuðu sætaval, settu upp snóker-pool-pílu og stefnan tekin á rólega öl stemmningu.

„Jafnvel endurskírum við bara bar-fílinginn hjá okkur einhverjum til yndisauka og ánægju í „Loki Snóker Pool & Píla“… jaa hver veit? Af því það er búið að vera svo lengi lokað… okkur finnst líka skemmtilegast að hafa lokað sérstaklega af því það pirrar mjög marga plús það að það fer einstaklega vel með starfsmanninn.“

Segir m.a. í tilkynningu frá Kveldúlfi og bætir við:

„Veriði samt ekkert að nefna þetta við neinn, við nennum ekkert að vera að fá of marga inn á staðinn…..“

Kveldúlfur Bjór og Bús er staðsettur við hliðina á rakarastofunni, Hrímnir Hár og Skegg við Suðurgötu 10 á Siglufirði. Eigendur barsins og rakarastofunnar eru hjónin Jón Hrólfur Baldursson og Ólöf Kristín Daníelsdóttir.

Myndir: Facebook / Hrímnir Hár Og Skeggstofa