Koyn lokar eftir aðeins þrjú ár í rekstri

Veitingastaðurinn Koyn í hjarta Mayfair í London mun loka dyrum sínum í dag, 27. September, eftir aðeins þrjú ár í rekstri. Staðurinn var opnaður haustið 2022 af feðginunum Samyuktu og Dinesh Nair undir merkjum LSL Capital og vakti strax athygli fyrir glæsilegan matseðil sem tengdi austurlenska fágun Japans við kraft og krydd Taílands

Yfir eldhúsinu stóð Rhys Cattermoul, fyrrverandi yfirkokkur á Nobu, og buðu réttir á borð við gufusoðnar kræklinga „nabe“ með cordyceps sveppi, yuzu sake soya, spínati og fjörugrasi gestum upp á ógleymanlega upplifun.

Í tilkynningu frá teyminu á Instagram kom fram að Koyn muni kveðja Grosvenor Street með þakklæti fyrir ógleymanlega ferð í gegnum bragðheima Japans og Taílands. Þau leggja þó áherslu á að andi staðarins lifi áfram og lofað er nýjum sögum og spennandi uppákomum í miðborg London.

Að sama skapi er talið að systurstaðurinn Koyn Thai, sem starfar í kjallara húsnæðisins, sé að skoða flutning. LSL Capital heldur áfram með aðra staði í Mayfair, þar á meðal Mimi Mei Fair, Jamavar, Bombay Castle og Nipotina.

 

View this post on Instagram

 

A post shared by KOYN (@koynlondon)

Myndir: koynrestaurants.com