Markaðurinn

Klassískar kjúklingabringur í rjómasósu sem slá í gegn

Birting:

10 mánuðir síðan

þann

08.01.2026

Eftir

Ofnbakað grænmeti, kjúklingur og djúsí rjómasósa er klassík. Hér var ég að prófa að nota rjómaost með svörtum pipar og útkoman var algjörlega dásamleg.

Innihald

4 skammtar

700 g kjúklingabringur (3-4 stk. eftir stærð)
200 g rjómaostur með svörtum pipar frá MS
500 ml rjómi frá Gott í matinn
3 stk. hvítlauksrif
1 msk. púðursykur
1 msk. soyasósa
1 msk. sítrónusafi
salt, pipar og hvítlauksduft
ólífuolía og smjör til steikingar

Meðlæti

ofnbakað grænmeti eftir smekk

Skref 1

Skerið niður það rótargrænmeti sem ykkur þykir gott, setjið vel af ólífuolíu og kryddum yfir.
Setjið inn í ofn við 190°C í um 40 mínútur.

Skref 2

Skerið því næst bringurnar langsum í tvo hluta.
Steikið þær upp úr blöndu af smjöri og ólífuolíu og brúnið vel allar hliðar, klárið síðan að elda þær með grænmetinu í ofninum í 15-20 mínútur.

Skref 3

Notið sömu pönnu til að steikja hvítlauksrifin, bætið smá olíu og smjöri fyrst á pönnuna.
Hellið þá rjóma og rjómaosti yfir og pískið þar til kekkjalaus sósa hefur myndast.
Bragðbætið með púðursykri, soyasósu, sítrónusafa og kryddum.

Höfundur: Berglind Hreiðarsdóttir – gottimatinn.is

Tög:2026 Aðalréttur Kjötréttur Kjúklingur Mjólkursamsalan Uppskriftir

Smári Valtýr Sæbjörnsson

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Hægt er að hafa samband við Smára á netfangið [email protected] Skoða allar greinar höfundar hér >>