Karl K Karlsson hefur sölu á bandaríska handverksgininu Aviation

Hinn forkunnafagri Hollywoodleikari Ryan Reinolds er einn af forsvarsmönnum og eigandi fyrirtækisins í dag

Karl K Karlsson hefur hafið umboðssölu á bandaríska handverksgininu Aviation, sem framleitt er í Portland í Oregon ríki.

Framleiðsla þessa einstaka gins hófst árið 2005 og hefur það verið að gera frábæra hluti síðan. Aviation fær frábæra dóma á Wine Enthusiast, eða 97 stig af 100 mögulegum og er hinn forkunnafagri Hollywoodleikari Ryan Reinolds einn af forsvarsmönnum og eigandi fyrirtækisins í dag. Þá fékk Old Tom tegund Aviation gullverðlaun á San Francisco Spirit Competition árið 2018, og verður það fáanlegt á næstunni.

Ginið er fyrst og fremst ætlað til kokteilagerðar og er því ekki úr vegi að láta uppskrift af einum al-bandarískum kokteil fylgja:

THE SOUTHSIDE

Uppruni þessa kokteils er á huldu en um hann ríkja ýmsar flökkusögur. Kom hann fyrst fram á sjónarviðið á hinum goðsagnakennda 21 club í Manhattan? Var hann skapaður af gangsterum í Chicago á bannárunum? Spratt hann fram í íþróttaklúbbum heldri borgara á Long Island? Sennilega fæst aldrei úr þessu skorðið en eitt er víst, að fátt jafnast á við blöndu af límónu, myntu og gini á heitum sumardögum.

THE SOUTHSIDE

HRÁEFNI

• 60ml Aviatin American Gin
• 22ml af nýkreistum lime safa
• 6 lauf af ferskri myntu
• 22 ml af sykursýrópi

AÐFERÐ

1. Kremjið myntulaufin í hristaraglasi
2. Bætið við öðrum hráefnum
3. Fyllið hristara með klökum og hristið hressilega
4. Hellið í kokteilglas
5. Skreytið með stilk af myntu