Íslenskir fagmenn keppa í Herning í Danmörku

Nú stendur yfir Norðurlandakeppnin í framreiðslu og matreiðslu í Herning í Danmörku, en keppnin hófst í gær og seinni keppnisdagur fer fram í dag.  Þar eru samankomnir allir helstu framreiðslu-, og matreiðslumeistarar Norðurlandanna sem keppa um Norðurlandameistaratitilinn.

Eins og áður segir þá hófst keppnin í gær með Nordic Green Chef og voru tveir keppendur sem kepptu fyrir hönd Íslands, þær Kristín Birta Ólafsdóttir og Sara Káradóttir og stóðu þær sig frábærlega.

Íslensku keppendurnir:

Iðunn Sigurðardóttir – Nordic Chef

Jafet Bergmann Viðarsson – Nordic Young Chef

Kristín Birta Ólafsdóttir – Nordic Green Chef

Sara Káradóttir – Nordic Green Chef

Andrea Ylfa Guðrúnardóttir – Nordic Waiter

Í dag fer fram keppnin Matreiðslumaður Norðurlandanna „Nordic Chef“ og þar keppir Iðunn Sigurðardóttir.  Einnig keppir Andrea Ylfa Guðrúnardóttir í dag um titilinn Framreiðslumaður Norðurlanda eða Nordic Waiter og Jafet Bergmann Viðarsson í keppninni Ungkokkur Norðurlandanna eða Nordic Young Chef, sem að Gabríel Kristinn Bjarnason sigraði í eftirminnilega árið 2022,

Hægt er að fylgjast með keppnunum á Instagram og Facebook síðum Kokkalandsliðsins.

 

View this post on Instagram

 

A post shared by Kokkalandsliðið (@icelandicculinaryteam)

Meðfylgjandi eru nokkrar myndir frá gærdeginum.

Myndir: aðsendar / Klúbbur matreiðslumeistara