Íslenska Bocuse d´Or teymið flýgur til Lyon í dag | Ríflega tonn af eldhúsáhöldum og græjum flutt á keppnisstað

Síðastliðin laugardag fór fram síðasta tímaæfing hjá honum Sigurði Helgasyni fyrir Bocuse d’Or í Frakklandi.  Æfingarferlið er búið að vera langt og strangt en núna loksins er farið að styttast í keppnisdag en hann er þriðjudaginn 27. janúar, í næstu viku.

Æfingin gekk vonum framar og kom Bocuse D’or Akademía íslands, helsti stuðningsaðili Sigga, á æfingu til þess að smakka og sjá matinn í sinni lokamynd fyrir keppnina.

Ríflega tonn af eldhúsáhöldum og græjum flutt á keppnisstað.
Íslenska liðið tekur með sér yfir 250 kg í „handfarangri“ af hráefni og skrauti sem nota á í keppninni.

Seinustu daga hafa strákarnir verið að pakka niður og klára undirbúning fyrir keppni, en ríflega tonn af eldhúsáhöldum og græjum voru send til Parísar seinasta sunnudag.

Sjálfir taka þeir með sér yfir 250 kg af hráefni og skrauti sem nota á í keppninni, en mikið er horft í íslenskrar náttúru til innblásturs á matnum og hönnun á kjötfatinu sem aðalrétturinn verður borin fram á í keppninni.

Í dag heldur teymið síðan út til Lyon, þar sem lokaverk verða unnin fyrir keppni og eru menn afar spenntir að halda af stað.

Fleira tengt efni:

[feed url=“https://veitingageirinn.is/category/bocuse-dor/feed/“ number=“5″ ]

Myndir: Magnús Már Haraldsson

/Karl Óskar