Íslendingar á meðal fremstu á Food & Fun hátíðinni í Finnlandi

Food & Fun hátíðin í Turku í Finnlandi var haldin í fjórða sinn dagana 27. september til 1. október s.l.

Íslensku keppendurnir á hátíðinni voru þeir Daníel Cochran Jónsson en hann var gestakokkur á grænmetisstaðnum Kuori, Leó Ólafsson barþjónn var gestabarþjónn á skandinavíska veitingastaðnum Marina Bar, Ivan Svanur Corvasce var gestabarþjónn á Tiirikkala og Sigurður Kristinn Laufdal Haraldsson var gestakokkur hjá Smör.

Hátíðin tókst frábærlega og átti dómnefndin erfitt með að tilnefna einn sigurvegara og ákváðu að velja í staðinn þrjá sigurvegara, en þeir voru:

Bestu kokkarnir:

• Daníel Cochran Jónsson
• Jesse Miller frá Bandaríkjunum
• Sigurður Kristinn Laufdal Haraldsson

Bestu barþjónarnir:

• Ivan Svanur Corvasce
• Jani-Pekka Hiltunen frá Finnlandi
• Leó Ólafsson

Mynd: Food & Fun/Maria Kiraly