Hlynur kokkur er nýr rekstraraðili veitinga að Garðavöllum

Hlynur kokkur

Golfklúbburinn Leynir á Akranesi auglýsti nú í mars eftir nýjum rekstraraðila veitinga að Garðavöllum.

Sjá einnig: Er þetta þitt tækifæri?

Áhuginn var mikill og barst klúbbnum alls níu umsóknir.

Stjórn Leynis hefur náð samkomulagi við matreiðslumanninn Hlyn Guðmundsson um að taka verkefnið að sér. Hlynur hefur mikla reynslu í faginu og mun flytja fyrirtækið sitt, Hlynur Kokkur Veisluþjónusta, frá Hafnarfirði upp á Akranes.

Golfklúbburinn Leynir og Hlynur ætla að undirbúa sumarið vel og leggja metnað sinn i að efla þjónustu við kylfinga sem og aðra gesti sem sækja Garðavelli heim.

„Matseðilinn er í mótun og lofar mjög góðu“ segir í tilkynningu, en á næstu vikum er stefnt á að klára endurbætur á salnum og gera hann tilbúinn fyrir vorið.

Mynd: facebook / Hlynur kokkur