Handverksframleiðsla í hæsta gæðaflokki: Einstök vínsmökkun með Sóleyju Björk á Uppi bar

Spænsk vín eru gífurlega fjölbreytt og spennandi að kynna sér. Í vínsmökkun á Uppi bar á miðvikudaginn 18. júní er hægt að skyggnast inn í aðrar hliðar Spánar og smakka á vínum frá svæðum sem verða ekki oft á vegi íslendinga, þrátt fyrir að vera í hæsta gæðaflokki og nafntoguð innan Spánar.

Vínin í smökkuninni eru sex talsins og eru öll frá litlum handverksframleiðendum sem leggja mikinn metnað í bæði ræktun og framleiðslu. Ætlun þeirra allra er að endurspegla þrúguna og svæðið sem best í víninu og nota lítið sem ekkert af aukaefnum. Öll eru þau gerð með það í huga að þau geti haldið áfram að þroskast í ár eða áratugi.

Í smökkuninni verður boðið upp á eitt freyðivín, tvö hvítvín og þrjú rauðvín sem eru ekki bara mjög bragðgóð heldur líka skemmtileg til að bera saman. M.a. verður boðið upp á tvö rauðvín úr sömu þrúgu, frá sama framleiðanda frá sama svæði sem eru gjörólík á bragðið!

Sóley Björk vínfræðingur

Sóley Björk vínfræðingur sem býr og starfar í Barselóna segir frá vínunum, framleiðslunni, svæðunum og fer yfir hvaða mat þau fara vel með. Einnig svarar hún öllum þeim spurningum sem gestum dettur í hug að spyrja um vín og vínframleiðslu.

Smökkunin kostar 9.900 krónur til að bóka sæti þarf að senda póst á [email protected] með nafni og fjölda.

Facebook viðburður smökkuninnar.