Hákon kokkur kom færandi hendi – Hlaðvarp

Þáttastjórnendur Á tæpasta vaði fengu góða heimsókn á dögunum þegar Hákon Sæmundsson matreiðslumaður og eigandi fiskbúðarinnar á Siglufirði kom færandi hendi og gaf þeim félögum Fish & Chips.

Loki Sjávardýrasali
Mynd: Smári / Veitingageirinn.is

Hákon eða Loki Sjávardýrasali eins og þeir vilja kalla hann, fór aðeins yfir sjómennskuna og lífið um borð í Heimaklett ÓF, þar sem Hákon er afleysingarkokkur hjá.

Fiskbúðin með vínveitingaleyfi

Fiskbúð Fjallabyggðar hefur fengið endurnýjað rekstrarleyfi veitinga og má nú bjóða uppá kaldan drykk með Fisk & franskar sem er einn vinsælasti rétturinn þar á bæ. Ekki er um útrás að ræða né stendur til að breyta Fiskbúðinni í krá, heldur verður boðið upp á einn ískaldan frá Segli 67, að því er fram kemur á hedinsfjordur.is.

Skemmtilegur þáttur þar sem heyra má þáttastjórnendur stynja af ánægju á meðan þeir smjöttuðu á fisknum.

Myndir: facebook / Á tæpasta vaði