Hægt að panta flugvélamat og fá sendan heim | „…Stefán Viðarsson er þetta eitthvað sem Icelandair ætti að skoða?“

Þjóðverjar geta nú pantað flugvélamat frá LSG Sky Chefs beint heim í stofu. Fyrir þá sem hafa mikla löngun í að hafa flugvélamat í kvöldmatinn þá býður nú fyrirtæki eitt í Þýskalandi fólki upp á að fá flugvélamatinn heim að dyrum.

Það er þýska fyrirtækið Air Food One sem býður fólki upp á að skrá sig á vefnum og með því gefst þeim kostur að fá Business Class flugvélamat einu sinni í viku frá flugvélaeldhúsinu LSG Sky Chefs sem sér um matinn um borð í vélum Lufthansa.

Maturinn sem er í boði er nákvæmlega sá sami og borinn er fram um borð í Business Class í vélum Lufthansa, á sama tíma er maturinn keyrður heim að dyrum frosinn og þegar hann er hitaður upp í ofni er viðkomandi með sama flugvélamat og hann fengi í 35.000 fetum án þess að þurfa að bóka flug.

Með þessari þjónustu nær flugvélaeldhúsið LSG Sky Chefs að losa sig við umfram mat sem annars hefði verið fleygt í ruslið en hver máltíð kostar um 1.500 krónur. Þjónustan stendur aðeins til boða í Þýskalandi eins og er.

Nú er stóra spurningin Stefán Viðarsson, er þetta eitthvað sem Icelandair ætti að skoða?

/Sverrir