GV heildverslun kaupir heildverslunina Bjarma

GV heildverslun hefur keypt heildverslunina Bjarma af Guðmundi Hallgrímssyni.

Heildverslunin Bjarmi hefur um árabil sérhæft sig í sölu hágæðavara til veitingahúsa, bakaría, mötuneyta, sjúkrahúsa og sambærilegra aðila.

Þar ber hæst Debic vörurnar frá Friesland Foods í Belgíu og vörurnar frá Procordia Food í Svíþjóð.

Með þessum kaupum styrkir GV heildverslun sig ennfrekar á “gourmet” veitingavörumarkaðnum, sem að hefur verið aðalsmerki fyrirtækisins, frá stofnun þess.

Samfara þessum kaupum, þá mun heildverslunin Bjarmi flytja starfsemi sína, frá Súðarvogi 7 í Reykjavík, í húsnæði GV heildverslunar, að Miðhrauni 16 í Garðabæ, frá og með n.k. áramótum, og mun Guðmundur Hallgrímsson, núverandi eigandi Bjarma, hefja störf hjá GV heildverslun frá sama tíma.

Með þessum samruna verður til eitt öflugasta fyrirtækið á Íslandi, sem að sérhæfir sig í “gourmet” vörum fyrir veitingamarkaðinn, og er von okkar, að samfara þessari breytingu, verði þjónustan við markaðinn öflugri en nokkru sinni fyrr.

Fréttatilkynning

[email protected]