Girnilegt Snapchat hjá Írisi

Íris Björk Óskarsdóttir bakari er með Snapchat veitingageirans næstu tvo daga og hóf í morgun með girnilegum myndum og myndböndum af bollakökum, Oreo, Gunnies hnallþórum og margt fleira.

Íris starfar í kökusjoppunni Sautján sortum á Grandagarði í Reykjavík þar sem boðið er upp á gott kökuúrval úr alvöru hráefnum og má sjá Snapchat Írisar að það er greinilega mikill metnaður lagt í kökurnar, allt bakað frá grunni.

Íris Björk útskrifaðist í vor s.l. sem bakari og þrátt fyrir stuttan feril þá bar hún sigur úr býtum þegar Kaka ársins 2014 var valin.  Hlaut 1. sæti í Nemakeppni Kornax 2013, 2. sætið í sömu keppni árið 2015 svo fátt eitt sé nefnt.  Þegar Íris Björk brautskráðist úr bakaraiðn hlaut hún viðurkenningu fyrir góðan námsárangur í iðnnámi. Þá hlaut hún einnig viðurkenningu úr Viðurkenningarsjóði MK og bókarverðlaun fyrir árangur í bakaraiðn, metnaðarfullur bakari hér á ferð.

Addið: veitingageirinn á Snapchat og fylgist með Írisi.

Myndir: skjáskot úr Snapchat