Frönsk banana og kanil rist með kotasælu og hlynsírópi

Fyrir 4 persónur.

Innihald:

3 þeytt egg
1 dl mjólk
1 vanilluskaf á hnífsoddi
1 msk hunang
1/2 tsk kanilduft
4 msk kotasæla
4 stk 2.5 sm þykkar brioche eða gott brauð
2 msk smjör til steikingar
2 stk bananar skornir í tvennt og í lengjur
saxaðar ristaðar möndlur
hlynsíróp

Aðferð:

1. Blandið saman þeyttu eggi, mjólk, vanillu, hunangi og kanil í skál. Blandið vel saman með gaffli.  Hellið blöndunni í grunna skál og leggið brauðið í og látið drekka í sig eggin í um mínutu á hvorri hlið.
2. Steikið í smjörinu á pönnu þar til brauðið hefur tekið góðan lit.
3. Setjið brauðið á disk og banana ofaná. Tvær sneiðar á mann. Toppið með matskeið af kotasælu ásamt hlynsírópi og ristuðum möndlum.

Auðunn Sólberg Valsson matreiðslumeistari

Höfundur: Auðunn Sólberg Valsson matreiðslumeistari.