Formleg menntun matreiðslumanna á Íslandi – Hlaðvarp – Kristján Sæmundsson matreiðslumeistari

Kristján Sæmundsson matreiðslumeistari

Við upphaf 20. aldarinnar voru engir menntaðir matreiðslumenn á Íslandi en þörfin og eftirspurnin jókst með hverju árinu.

Árið 1915 þegar Eimskipafélagið var stofnað var enginn Íslendingur sem hafði formlega menntun til að starfa sen matreiðslumaður á skipunum. Fimmtán árum síðar voru allar slíkar stöður skipaðar Íslendingum sem höfðu þá menntað sig í Danmörku.

Árið 1945 hittist hópur veitingamanna í húskynnum Oddfellow í Reykjavík í þeim tilgangi að stofna félag veitingamanna á Íslandi og fékk félagið nafnið Matsveina- og veitingaþjónafélag Íslands. Í 10. grein laga félagsins er strax fjallað um skólamál til að efla menntun í greininni.

Fyrsta sveinsprófið í veitingagreinum var haldið 19. september 1945 og luku 12 prófi.

Hér er á ferðinni annar þáttur í röð hlaðvarpa sem eru lokaverkefni þeirra Dóru Svavarsdóttur og Þyrnis Hálfdánarsonar matreiðslumeistara og nema við Menntavísindasvið HÍ. Þættina unnu þau í samvinnu við Iðuna og fjalla um matreiðslunám, þá, nú og um alla framtíð.

Þau Dóra og Þyrnir ræða við Kristján Sæmundsson matreiðslumeistara um formlega menntun matreiðslumanna á Íslandi. Kristján er mikill reynslubolti og hefur setið í sveinsprófsnefnd í matreiðslu auk þess að hafa starfað á helstu veitingahúsum bæjarins.

Hlaðvarp hér.