Flottur og einfaldur réttur fyrir áramótin | Ristaðar snittubrauðsneiðar með humar

Snittubrauð og humar uppskrift sem auðvelt er að gera og hentar vel sem einn réttur á áramótamatseðlinum.  Höfundur er Bjarni Gunnar Kristinsson matreiðslumaður.  Uppskrift þessi var birt í Bændablaðinu og er birt hér með góðfúslegu leyfi þeirra.

200 g humarhalar
100 g fetaostur í kryddolíu
50 g ferskt spínat
Nokkur kerfilslauf
salat að eigin vali

Skerið þunnar sneiðar af brauði (snittubrauði) og ristið í ofni undir grilli þar til brauðið er stökkt og létt brúnað.  Steikið humarinn á pönnu í olíunni af fetaostinum, kryddið með salti og pipar.

Bætið í spínati (líka er hægt að hafa spínatið sem salat).

Setjið humarinn ásamt ostinum upp á brauðið og skreytið með nokkrum laufum af kerfli.

Uppskriftin er fyrir 4.

/Smári