Flott umfjöllun um Hótel Geysi og Bjarka Hilmarsson matreiðslumeistara

Bjarki Ingþór Hilmarsson hefur verið yfirmatreiðslumeistari hótelsins í 27 ár.
Myndina tók Gunnar Páll Gunnarsson

Á einu fallegasta hóteli landsins er stórkostlegan veitingastað að finna. Hér nýtur þú matarins á hverasvæði sem geymir náttúruundrið Geysi.

Svona hefst skemmtileg og áhugaverð umfjöllun á mbl.is um Hótel Geysi og matreiðslumeistarann Bjarka Hilmarsson.

Veitingastaðurinn tekur um 650 manns í sæti.
Mynd: facebook / Hótel Geysir

Þegar nýtt hótel er í byggingu hlýtur yfirkokkur staðarins að fá einhverju um það ráðið hvernig eldhúsið lítur út – eða hvað?

„Jú, ég fékk alveg að ráða hvernig hönnunin átti að vera og skipulagið. Ég hafði líka áhrif á hvar niðurföll og innstungur væru, því það er mikilvægt að vinnuaðstaðan henti þeim sem nota hana og umhverfinu. Þetta var skemmtilegt verkefni að fylgja.

Mér þykir hönnunin á salnum sjálfum líka mjög góð – við erum með opið eldhús sem gefur ákveðna dýpt í þetta. Það er gaman að vinna í opnu eldhúsi þar sem gestir fá innsýn í okkar vinnu og við getum fylgst með því þegar maturinn er borinn á borð. Andinn úr gamla íþróttaskólanum fylgir líka með, sem gerir veitingastaðinn sérstakan og viðmót starfsfólksins fullkomnar vinnudaginn,“

segir Bjarki í samtali við mbl.is sem fjallar nánar um hótelið og veitingastaðinn hér.