Fiskur í Tjöruhúsinu á Ísafirði

Veitingasalan í Tjöruhúsinu í Neðstakaupstað á Ísafirði er núna opin alla daga og verður það fram eftir sumri.

Hjónin Magnús Hauksson og Ragnheiður Halldórsdóttir hafa rekið þar matsölustað undanfarin sumur þar sem sjávarmeti er gert hátt undir höfði. Ragnheiður segir að matseðillinn sé með sama móti og í fyrra, fiskisúpan, splunkunýtt fiskmeti hverskyns og svo að sjálfsögðu plokkfiskurinn rómaði.

Þá verður reynt að hafa hrefnukjöt eins og undanfarin sumur en ekki hefur tekist að útvega það enn, en það stendur til bóta.

Opnunartími er frá ellefu til tíu á kvöldin. Saltfiskveisla var um síðustu helgi og var uppselt og rífandi stemmning og framhald verður á þeim 15. og 29. júlí sem og 12. ágúst.

Greint frá á bb.is

Mynd: bb.is – Tekin í Saltfiskveislunni síðustu helgi

[email protected]