Eldaði íslenskan humar í 40 ára afmæli le Manoir veitingastaðarins – Myndir og vídeó

Agnar Sverrisson og Raymond Blanc

Það eru fjörutíu ár síðan hið forna veitingahús Le Manoir aux Quat’Saisons í Bretlandi opnaði. Veitingastaðurinn var fyrst opnaður 17. mars á degi heilags Patreks árið 1984 og hefur allar götur síðan verið starfræktur við góðan orðstír.

„Opnunarkvöld Le Manoir var ekki frábært, ég verð að viðurkenna það. Þjónustan var ákaflega hæg og margir gestir fengu ekki eftirréttinn sem var þá karamellusúfflé, en gestirnir voru fljótir að fyrirgefa okkur.“

Sagði Raymond Blanc eigandi Michelin veitingastaðarins Le Manoir í afmælisræðu sinni.

Haldin var glæsileg afmælisveisla og þar á meðal var góður vinur Raymond, hann Agnar Sverrisson matreiðslumaður, sem sá um að elda íslenskan humar fyrir afmælisgesti.

„Við, sem höfum unnið sem lykilmenn hans í gegnum tíðina, komum til að heiðra hann og elduðum fyrir hann og hans gesti.“

Sagði Agnar í samtali við veitingageirinn.is.

Vídeó

Matseðill

Framreiddur var margrétta matseðill og sérvaldi Sommelier þjónn staðarins vínin með hverjum rétti.