Ekki með starfsleyfi til að framleiða hákarl

Matvælastofun vekur athygli á innköllun á Úrvals Hákarli frá Vestfiski ehf. sem framleiðir fyrir Ó. Johnson & Kaaber sem dreifir vörunni á markað. Innköllunin er vegna þess að framleiðandinn er ekki með starfsleyfi fyrir framleiðslunni. OJK hefur í samráði við heilbrigðiseftirlit Reykjavíkur innkallað vöruna.

Innköllunin á við eftirfarandi framleiðslulotur:

• Vöruheiti: Úrvals hákarl
• Geymsluþol: Best fyrir Dagsetning: 13.12.2022 og 1.1.2023
• Strikamerki: 5694230087303
• Nettómagn: 100 g
• Geymsluskilyrði: Kælivara
• Ábyrgðaraðili og dreifingaraðili: Ó. Johnson & Kaaber, Tunguhálsi 1, 110 Reykjavík.
• Framleiðsluland: Ísland
• Dreifing: Hraðbúðin Hellissandi, Hagkaup, Kostur, BL ehf., Kaupfélag V-Húnvetninga, 10-11, Extra,Plúsmarkaðurinn og Krónan

Neytendum sem keypt hafa vöruna er bent á að neyta hennar ekki, farga eða skila henni til Ó. Johnson & Kaaber.

Mynd: mast.is