Drykkur bætir íslenskum gæðavörum við vöruúrvalið

Valgarður Finnbogason (Drykkur), Birgir Sigurðsson Thoran (Marberg) og Friðbjörn Pálsson (Drykkur)

Thoran Distillery hefur gert samstarfssamning við Drykkur vínheildsölu um sölu og dreifingu á Marberg vörubreiddinni á Íslandsmarkaði frá og með byrjun apríl 2025. Eru báðir aðilar spenntir
fyrir samstarfinu enda fellur Marberg vörubreiddin vel að vöruúrvali Drykkjar og dreifingarneti þess hér á landi.

Á sama tíma gefur það eigendum Marberg meiri sveigjanleika við að einbeita sér að stækkandi framleiðslu og styðja við áframhaldandi útrás erlendis sem hefur farið vel á stað.

Drykkur ehf var stofnað 2013 og hefur vörubreiddin stækkað vel í gegnum árin og er það vilji eigenda þess að halda áfram að stækka vöruúrvalið til að mæta þörf veitingarmanna og halda stöðu sinni að vera einn af lykilbirgjum veitingamanna.  Fellur Marberg vörubreiddin vel að því markmiði enda bæði hágæða gin og Bróðinn brennivínið sem mætir þörfum veitingamanna að hafa góða íslenska vöru í boði fyrir gesti sína og á samkeppnishæfu verði við alþjóðlega risa sem eru sterkir hér á markaðnum.

Samhliða þessum breytingum mun Thoran Distillery flytja framleiðslu sína út á Granda í stærra húsnæði þar sem þeir munu bæði stækka framleiðslu sína og um leið bjóða upp á skemmtilega aðstöðu þar sem verður í boði fyrir vinnustaði og túrista hópa að koma í Eimingarhúsa heimsókn.

Einnig verður í boði þar að kaupa vörubreidd þeirra beint frá framleiðslustað.

Mynd: aðsend