Byrjuðu með fjórar hendur tómar

Elín Þór Björnsdóttir og Jakob Örn Kárason

Á vef Siglfirðinga siglfirdingur.is er birt skemmtilegt viðtal við þau hjónin Elínu Þór Björnsdóttur og Jakob Örn Kárason eigendur Aðalbakarís á Siglufirði.

Að jafnaði koma þangað um 2.000 manns í viku hverri og þar af eru á.a.g. 20% útlendingar, að stærstum hluta ferðamenn.

Bakaríið stækkar og verður kaffihús

Í fyrra hætti Aðalbúðin rekstri í næsta húsi við, sem er samliggjandi við bakaríið, og eftir nokkra umhugsun ákváðu þau að slá til og stækka við sig, enda breyttar aðstæður frá því sem áður hafði verið, bærinn hafði tekið stakkaskiptum eftir opnun Héðinsfjarðarganga, og þörfin var nú fyrir hendi.

Jakob segir í samtali við fréttaritara Siglfirðings að uppbygging athafnamannsins Róberts Guðfinnssonar eiganda Kaffi Rauðku, Hannes boy og nýja hótelsins á Siglufirði Hótel Sigló, hafi verið mikil hvatning fyrir bæjarbúa, þ.e. að gera hlutina ekki síður vel.

Nánari umfjöllun er hægt að lesa á vefnum siglfirdingur.is með því að smella hér.

Mynd: Sigurður Ægisson / siglfirdingur.is