Búist við að flaska af eðalkoníaki seljist á 300.000 krónur

Flaska af Frapin Cuvee 1888 koníaki, sem blandað er úr fágætum tegundum, var afhjúpuð í London í dag. Framleiðandinn, Cognac Frapin, býst við að selja flöskuna á um 3.888 evrur, eða tæpar 300.000 krónur. Aðeins eru til 1.888 flöskur af þessum eðalveigum sem blandaðar eru úr koníaki sem sumt er frá því fyrir 1888, að því er framleiðandinn segir.

Flaskan sjálf er gerð úr brúnu gleri og 24 karata gullþræði sem vafinn er utan um hana.