Bláa Lónið framleiðir orkute og nýr og glæsilegur 250 manna veislu- og veitingasalur

Bláa Lónið hefur sett á markaðinn markaðinn orkute en um er að ræða jurtate sem veitir aukna orku, jafnvægi og vellíðan.

Jurtirnar í teinu eru sérvaldar úr hreinni íslenskri náttúru. Teið er hægt að nálgast í verslunum Bláa Lónsins eða í netverslun fyrirtækisins.

Þetta er í fyrsta sinn sem Bláa Lónið framleiðir neysluvöru, en Bláa Lónið hefur aðallega verið í framleiðslu á kremum, hár- og líkamssápum ásamt nuddolíum ofl.

Nýr og glæsilegur 250 manna veislu- og veitingasalur

Það ættu margir hverjir vita af stækkun Bláa Lónsins, en framkvæmdirnar felast í að búnings- og baðaðstaða verði stækkuð og endurhönnuð.

Breytingar verða jafnframt gerðar á núverandi veitingasal og  nýr og glæsilegur 250 manna veislu- og veitingasalur tekinn í notkun. Úrval veitinga verður aukið og áhersla lögð á að mæta mismunandi þörfum gesta hvað varðar veitingar. Með breytingum mun aukið úrval veitinga býða gesta sem hafa skemmri tíma auk þess sem gestum sem hafa rýmri tíma mun standa til boða að njóta veitinga í nýjum veitingasal. Nýi veitingasalurinn mun einnig nýtast fyrir viðburði t.d. árshátíðir og annan mannfagnað. Auk viðburða sem tengjast ráðstefnu- og hvatahópum.

[email protected]