Aldan fisk & sælkeraverslun tekur við í Spönginni

Páll Fannar og Haraldur Geir, nýir eigendur Öldu fisk & sælkeraverslunar í Spönginni

Fiskverslunin Hafið í Spönginni hefur nú gengið í endurnýjun og fengið nýtt yfirbragð, því nýir eigendur hafa tekið við og mun verslunin framvegis bera nafnið Aldan fisk & sælkeraverslun.

Hafið í Hlíðasmára heldur þó áfram með sína vinsælu starfsemi og býður áfram upp á ferskan og gómsætan fisk alla daga. Þar verður tekið ávallt vel á móti viðskiptavinum eins og hingað til.

Að Öldu standa Páll Fannar Pálsson og Haraldur Geir Hafsteinsson matreiðslumaður, betur þekktur sem Harry. Þeir hyggjast halda áfram þeirri góðu hefð að bjóða upp á gæða hráefni og vandaða fiskrétti fyrir sælkera.

Í tilefni opnunarinnar verður opnunartilboð dagana 10.–14. nóvember, þar sem gestir fá 20% afslátt af öllum ferskum fiski og fiskréttum.

Opnunartími:
Mánudaga til fimmtudaga kl. 10–18:30
Föstudaga kl. 10–18:00

Mynd: facebook / Aldan Fiskverslun