Alain Ducasse sker niður kjötmagn á nýja seðlinum á Plaza Athénée hótelinu í París

Flestir þekkja eitthvað til hins franska matreiðslumeistara Alain Ducasse sem er sá aðili sem hefur flestar Michelin stjörnur á bak við sig eða alls 21. Alain er með staði um allan heim, svo sem London á The Dorchester, Jules Verne í Eiffel Turninum, Le Louis XV – Alain Ducasse í Monte Carlo, svo einhverjir af stöðum hans séu nefndir en þeir eru um 30 í heildina.

Veitingastaðurinn á Plaza Athénée var opnaður aftur eftir endurnýjun á mánudaginn 8. september s.l. og mun matseðillinn bjóða upp á miklu minna kjöt en áður hefur verið á seðlinum og er það helst rauða kjötið sem víkur svo sem naut, kálfur, lamb, innmatur, en eftir stendur hvíta kjötið fiskur og meiri áhersla á grænmeti.

Er þetta nýja trendið í matargerðarlistinni, að létta máltíðina og auka hlut grænmetis á kostnaðs rauða kjötsins?

Verðið verður það sama og verið hefur 380 evrur á mann án drykkja.

Það verður fróðlegt að fylgjast með hver viðbrögð gesta verða við þessum breytingum.

Meðfylgjandi er myndband sem sýnir hugmyndafræðina á bakvið veitingastaðinn Plaza Athénée:

Mynd: skjáskot úr myndbandi.

/Sverrir