Hátíðin Réttir Food Festival verður haldin í fyrsta skipti á Norðurlandi vestra dagana 16. – 25. ágúst næstkomandi.
Það eru veitingahúsaeigendur og framleiðendur sem standa að þessari flottu matarhátíð. Hér er um að ræða skemmtilega upplifun, fræðslu um mat og menningu á svæðinu, en fjölmargar uppákomur verða þessa tíu daga, allt frá Laugarbakka í Miðfirði, út í Fljót í Skagafirði.
Eftirfarandi myndir sýna einungis brot af því sem í boði verður yfir hátíðina:
Áskaffi er kaffihús sem spilar stórt hlutverk í Glaumbæ á Skagafirði. Áskaffi er þekkt fyrir að bjóða gestum að smakka ýmiskonar gamldags mat. Yfir hátíðina mun Áskaffi bjóða upp á kynningu og smakk á gamla íslenska matnum. Einnig verður gengið í gegnum Glaumbæ og fræðst um gamla matarmenningu og verkun.
Matarkista Skagafjarðar mun vera með sölusvæði í reiðhöllinni á Svaðastöðum á Sveitasælunni
Þar munu framleiðendur í Skagafirði bjóða upp á sína vöru. Margt verður á boðstólnum og áhugaverðar nýjungar.
Föstudaginn, 23. ágúst næstkomandi verður Dælismótið en það hefur verið haldið árlega síðan árið 2015. Skemmtilegt hestamót með góðum mat. Í ár mun Davíð Stefan Hanssen matreiðslumaður sjá um hlaðborðið eins og honum er einum lagið.
lla daga frá föstudeginum 16. ágúst til sunnudagsins 25. ágúst mun North West Hotel & Restaurant í Víðigerði bjóða upp á Götubitann. Í Götubitanum verður, brauðstangir í hvítlaukssmjörolíu, toppaðar með einstakri kryddblöndu og parmesan og bornar fram með kryddaðri tómatídýfu.
Hægeldað brytjað lambalæri, djúpsteikt smælki og val um sósur og toppings.
Miðfirðingar gera sér glaðan dag á lóð Hótels Laugarbakka. Settar verða upp kynningar og matarstöðvar í garðinum. Kynningar á handverki úr Miðfirði, lifandi tónlist og söngur, harmonikkutónar og kór, verður í gangi yfir miðjann daginn, kostar ekkert inn.
Viltu vita meira?
Nánari upplýsingar um Réttir Food Festival hér: www.rettir.is
Fylgist einnig með á facebook síðu hátíðarinnar með því að smella hér.
Myndir: rettir.is