Ashley Marriot vann Barlady keppnina á Íslandi – Myndir

Barlady kokteila keppnin á Íslandi var haldin með pompi og prakt síðastliðinn mánudag. Keppnin er skipulögð af Barþjónaklúbbi Íslands í Samstarfi við Samtök Íslenskra Eimingarhúsa og er fyrir konur og kvár í bar geiranum.

Keppnin virkar þannig að dómarar frá Barþjónaklúbbnum og Samtökunum Íslenskra Eimingarhúsa fara á milli vinnustaða keppenda til þess að smakka kokteilana þeirra. Keppendur fengu dregið eimingarhús og þurftu að nota vöru frá því í forgrunni kokteilsins. Aðilar af Samtökum Íslenskra EImingarhúsa sem tóku þátt í keppninni eru:

Hovdenak Distillery
Reykjavík Distillery
Eimverk Distillery
Brunnur Distillery (Himbrimi)

Ashley Marriot vann Barlady keppnina á Íslandi

Ashley Marriott á Amma Don/ÓX kom sá og sigraði keppnina með kokteilnum sínum Atomic Bloom, en hún notaði Hvannar ginið frá Reykjavík Distillery í forgrunni koktelsins. Í 3. sæti var Freyja Þórisdóttir hjá Reykjavík Cocktails með drykkinn sinn Violet Femmes og í 2. sæti var Auður Gestsdóttir á Tipsý með kokteilinn sinn cardaMAMI.

Haldið var bransakvöld til heiðurs konum og kvár í veitingageiranum um kvöldið á Tipsý þar sem stemningin var rafmögnuð, en þar fór einnig fram verðlaunaafhending.

Hægt er að lesa nánari upplýsingar um keppnina á vefslóðinni barlady.net.

Myndir: aðsendar