Pizza Popolare er fyrsti pizzastaðurinn á Íslandi sem fær viðurkenninguna „Excellent Pizzeria“ frá 50 Top Pizza

Pizza Popolare í Pósthús mathöllinni

Veitingastaðurinn Pizza Popolare, sem staðsettur er í Pósthús mathöllinni, fékk nú á dögunum viðurkenninguna „Excellent Pizzeria“ frá 50 Top Pizza, en ekki er vitað að annar pizzastaður á Íslandi hafi fengið áður þessa viðurkenningu.  Heildarlistann er hægt að skoða með því að smella hér.

„Þessi viðurkenning endurspeglar það sem við höfum verið að vinna að frá fyrsta degi; framleiða hreina gæðavöru.

Við eigum þennan árangur okkar vinnusama teymi okkar og yndislegu viðskiptavinum að þakka, þar sem stuðningur og hollusta þeirra gera allt mögulegt.“

Segir í tilkynningu.

Eigendur Pizza Popolare eru frændurnir Guðmundur Pétursson og Aron Lárusson, en þeir eru þessa stundina í óða önn að opna nýja mathöll á Glerártorgi á Akureyri.  Pizza Popolare, býður upp á Napólí pizzur eins og þær gerast bestar, þunnir botnar, flöffí kantar og með sérinnflutt ítölsk hráefni.

Mynd: aðsend