Ætla að halda áfram undir merkjum Gríms kokks

Grímur Gíslason annar aðaleiganda Karató ehf. sagði í samtali við sudurland.is að nú væri beðið eftir að gjaldþrotabeiðnin verði tekin fyrir hjá Héraðsdómi og þá væntanlega skipaður skiptastjóri.

“Hvað hann gerir veit náttúrulega enginn í dag en það sem snýr að mér þá er ég að stefna að og er byrjaður á að undirbúa framleiðsluþáttinn. Ég ætla að halda áfram framleiðslu á vörum undir merkjum Gríms kokks.”

Grímur sagði að það yrði í húsnæði sem átti að hýsa verksmiðjuna Vestmar ehf. sem keypt var til Eyja fyrir nokkrum árum en fór aldrei af stað. Aðspurður hvort hann nýtti þau tæki sem fyrir voru sagði hann þau ekki ætluð fyrir slíka framleiðslu. “Svo getum við orðað það svo að þau voru mörg hver ekki beysin.” Hann sagði að hann væri búinn að panta tækin en það tæki tíma að fá þau og koma þeim upp. “Ég kem til með að ræða við bústjórann hvort hægt sé að leigja eldhúsið í Höllinni undir þá starfsemi á meðan við gerum klárt út á Eiði.” Búið er að stofna fyrirtæki undir starfsemina og heitir það Grímur kokkur ehf. Fjórtán manns störfuðu í fyrirtækinu í fullri vinnu og hátt í sjötíu manns störfuðu í Höllinni í aukavinnu.

Mynd; Sudurland.is

Greint frá á Sudurland.is

[email protected]