Bocuse d´Or: Allt komið á fullt – Úrslit verða kynnt í dag

Sigurður Helgason þjálfari, Hinrik Örn Lárusson aðstoðarmaður, Viktor Örn Andrésson Bocuse d´Or 2017 og Sturla Birgisson dómari.
Mynd: sirha.com

Viktor Örn Andrésson sem keppir fyrir hönd Íslands í Bocuse d´Or byrjaði að keppa í morgun og honum til aðstoðar er Hinrik Örn Lárusson.

Hægt er að fylgjast vel með í beinni útsendingu hér, en Viktor skilar fiskréttinum klukkan 12:50 og kjötréttinum klukkan 13:25.

Úrslitin verða síðan kynnt við hátíðlega athöfn í dag klukkan 17:00 á íslenskum tíma.

Meðfylgjandi myndir eru frá því í morgun, Viktor og Hinrik með allt á hreinu enda búnir að æfa í marga mánuði og ekki má gleyma stuðningsmannasveitinni, en hún lét heyra vel í sér þegar kynnarnir kynntu íslenska liðið.

Viktor Örn Andrésson yfirvegaður og pollrólegur

Hinrik Örn Lárusson líka yfirvegaður og pollrólegur

Sigurður Helgason þjálfari í viðtali og Sturla Birgisson dómari (lengst til vinstri) fylgist vel með

Glæsileg stuðningsmannasveit

Viktor Örn Andrésson og Hinrik Örn Lárusson fara aðeins yfir hlutina

Bocuse d’Or er allra virtasta matreiðslukeppni sem haldin er í heiminum og verið haldin síðan 1987 og komast færri þjóðir að enn vilja.  24 þjóðir fá keppnisrétt eftir að hafa sigrað forkeppni úr sinni heimsálfu og fimm efstu sætin í sjálfri Bocuse d’Or keppninni tryggja þeim þjóðum sjálfkrafa keppnisrétt í næstu keppni. Bocuse d’Or er oft kölluð hin eina sanna heimsmeistarakeppni í matreiðslu.  Í ár fer keppnin fram dagana 24. og 25. janúar 2017 samhliða Sirha sýningunni í Lyon í Frakklandi.

Myndir: Skjáskot úr beinu útsendingunni