Ottó Magnússon og Bradley Groszkiewicz keppa á heimsmeistaramóti í klakaskurði – Myndir og vídeó

Bradley Groszkiewicz og Ottó Magnússon

Ottó Magnússon matreiðslumaður og Bradley Groszkiewicz taka þátt í heimsmeistaramóti í klakaskurði 27. febrúar næstkomandi í Fairbanks í Alaska þar sem þemað verður Íslenski Víkingurinn.

Hjörleifur og Bradley.
Bradley kom til Íslands í heimsókn s.l. sumar. Ottó og Hjörleifur ferðuðust með Bradley og sýndu honum meðal annars landið okkar.

Þeir félagar keppa í bæði „Single Block“ og í „Multi Block“ en seinni keppnin er haldin 4. til 9. mars.  Ottó hefur áður keppt á heimsmeistaramótinu í Fairbanks en það var árið 2013 þar sem hann og Hjörleifur Árnason matreiðslumaður kepptu í Single Block keppninni, en komust því miður ekki á verðlaunapall.

Í „Single Block“ keppninni fá keppendur einn ísklump sem er 242cm x 152cm x 91cm að stærð og fá 60 klukkustundir til þess að skera úr honum listaverk að eigin vali og þemað verður eins og áður segir Íslenski Víkingurinn hjá Ottó og Bradley.

„Multi Block“ er mun stærri í sniðum, en þar fá keppendur tíu ísklumpa sem eru 182cm x 121cm x 91cm að stærð og eru keppendur í 5 daga að skera út listaverk að eigin vali.

Til gamans má geta að Bradley sem keppir með Ottó er fyrrum heimsmeistari í „Multi Block“, en hann sigraði keppnina árið 2014.

„Við erum að keppa við margfalda heimsmeistara og ef allt gengur upp þá erum við að fara í topp 5, engin pressa samt“

, sagði Ottó hress í samtali við veitingageirinn.is.

Hér er listaverk Bradley´s sem tryggði honum heimsmeistaratitilinn árið 2014

Veitingageirinn.is mun fylgjast vel með þeim félögum með reglulegum fréttaflutningi fram yfir keppni.

Kynningarmyndband á keppninni:

Ottó og Hjörleifur á æfingu árið 2013:

Steve Iverson einn af skipuleggjendum heimsmeistaramótsins kíkti á íslenska liðið þegar það keppti árið 2013, en þar svöruðu þeir félagar Ottó Magnússon og Hjörleifur Árnason nokkrum spurningum:

Myndir: Bradley Groszkiewicz (úr einkasafni) og icealaska.com.