Seðjandi súkkulaðimús yfir hátíðarnar

Höfundur af þessari uppskrift er Bjarni Gunnar Kristinsson matreiðslumaður.  Uppskrift þessi var birt í Bændablaðinu og er birt hér með góðfúslegu leyfi þeirra.

Dökk súkkulaðimús
250 g mjólk
330 g dökkt súkkulaði
½ l rjómi
2½ blað matarlím

Hvít súkkulaðimús
140 ml mjólk
1 vanillustöng, tahiti
4 g matarlím, 2-3 blöð
175 g hvítt súkkulaði
190 g rjómi, léttþeyttur

Aðferð:

Dökk súkkulaðimús
Setjið matarlím í kalt vatn (10mín). Sjóðið mjólk og setjið matarlímið út í.  Blöndunni hellt yfir súkkulaðið í smá skömmtum. Hrærið vel á milli (mikilvægt að ná kremáferð á blönduna áður en öll mjólkin fer út í). Blandan á að vera 40-45 °C þegar léttþeyttur rjóminn fer út í í smá skömmtum með sleif. Ef súkkulaðiblandan er of köld þá er bara að hita hana í örbylgjuofni eða kæla hana ef hún er of heit.

Hvít súkkulaðimús
Látið matarlímið í kalt vatn. Skafið vanilluna og látið í pott ásamt mjólkinni.  Hitið mjólkina að suðumarki og látið standa í 20 mín. Hitið mjólkina aftur upp og látið gelatínið leysast upp í henni. Hellið yfir fínt hakkað súkkulaðið í tveimum skömmtum og hrærið út með sleikju. Þegar blandan skín og súkkulaðið er brætt hellist blandan yfir léttþeyttan rjómann í mjórri bunu. Hrærið létt í með sleikju á meðan hellt er.

Setjið í glös og skreytið með berjum að eigin vali.

Þessi uppskrift er fyrir 6 manns.

/Smári