Ný norræn matargerð, tæki til nýsköpunar

Með verkefninu “ný norræn matargerð” vilja norrænu ríkisstjórnirnar varðveita norræn gildi og nýta fleiri sóknarfæri. Í stuttu máli þá verður norræn matarmenning nýtt sem tæki til nýsköpunar og til að auka samkeppnishæfni.

Ætlunin að gera samkeppnishæfni Norðurlanda meira sýnilega með því að tengja matargerðarlist og matarmenningu, ferðaþjónustu og svæðisbundin gildi, heilbrigði, velferð og þróun atvinnulífsins, hreint hráefni og verðmætasköpun. Þetta á einnig að stuðla að því að Norðurlöndin viðhaldi stöðu sinni sem alþjóðlegt sigursvæði.

Það var Per Unckel framkvæmdastjóri Norrænu ráðherranefndarinnar sem kynnti áætlunina um nýsköpun, verðmætasköpun og samkeppnishæfni og tengingu þess við norræna matarmenningu fyrir norrænu landbúnaðarráðherrunum í Svolvær(Pdf) á þriðjudagsmorguninn.

Á fundinum bauð framkvæmdastjórinn ráðherrum landbúnaðar og matvæla frá öllum Norðurlöndunum upp á nýjan matseðil. Ráðherrarnir ætla ásamt ráðherrum sjávarútvegs og skógræktar að ræða mikilvæg mál sem tengjast matvælum, heilbrigði og hreyfingu, velferð dýra og ólöglegar veiðar.

Ennfremur verða rædd mikilvæg málefni eins og norrænt samstarf um erfðaauðlindir, framkvæmdaáætlun um matvæli, hreyfingu og heilbrigði.

Fjallað var um þema ráðherrafundarins á stórri ráðstefnu sem haldin var í Bodø fyrir fundinn. Þar var verið að fjalla um þróun strandsvæða, land- og skógarsvæða. Ráðherrarnir munu samþykkja yfirlýsingu á fundi sínum um þróun strand-, land- og skógarsvæða.

Heimild:
Norðurlandaráð og Norræna ráðherranefndin

Mynd: bagatelle.no

[email protected]