Íslenskir barþjónar láta til sín taka á alþjóðavettvangi – Myndir

Alexander Josef Alvarado að störfum á barnum, þar sem hann sýnir nákvæmni og stíl í blöndun kokteila.

Alexander Josef Alvarado og Helgi Aron eru nýkomnir heim frá Chile þar sem þeir tóku þátt í Pan American Cocktail Championship. Alexander stóð sig afar vel og endaði í 5. sæti af 37 keppendum, en hann keppti í „After Dinner“ flokki með drykkinn Golden Rush. Helgi Aron sýndi einnig frábæra frammistöðu í keppninni og vakti verðskuldaða athygli.

Alexander Josef Alvarado og Helgi Aron í Chile, þar sem þeir tóku þátt í Pan American Cocktail Championship og kynntu Ísland með stolti.

Keppnisstemning á sviðinu: Alexander leggur lokahönd á drykkina sína í „After Dinner“ flokknum.

Alexander hellir kokteilnum Golden Rush í glösin

Fram undan eru þó enn stærri verkefni fyrir íslenska barþjóna á þessu keppnistímabili. Pétur Hafsteinn Kolka Úlfsson á OTO undirbýr nú Evrópumeistaramótið í kokteilagerð þar sem hann mætir með drykk sinn Vita Agrodolce. Það mót verður haldið á skemmtiferðaskipi á Miðjarðarhafinu í lok október.

Í nóvember tekur Róbert Aron Vídó Proppé svo þátt í heimsmeistaramótinu í kokteilagerð sem fram fer í Cartagena í Kólumbíu. Þar mun hann keppa undir merkjum DRYKK og gera atlögu að heimsmeistaratitlinum.

Ljóst er að spennandi tímar eru framundan fyrir íslenskan barþjónaiðnað og mikill kraftur í okkar fremstu fulltrúum á alþjóðlegum vettvangi.

Myndir: aðsendar / bar.is