17 ára framreiðslunemi sigraði í Íslandsmóti Barþjóna – Myndir

Reginn Galdur Árnason

Í gærkvöldi fór fram Íslandsmeistaramót barþjóna og Vinnustaðakeppni í Gamla Bíó.

Keppt var í Long Drink í Íslandsmeistaramóti barþjóna og Tiki þema í Vinnustaðakeppninni.

Það er Barþjónaklúbbur Íslands sem ber veg og vanda af skipulagningu og framkvæmd hátíðarinnar.

Það var hann Reginn Galdur Árnason með drykkinn sinn Galdur sem fór með sigur af hólmi og mun hann keppa fyrir Íslands hönd á heimsmeistaramótinu sem fram fer á Kúbú í haust.

Þess má til gamans geta að Reginn er einungis 17 ára gamall og nemur hann framreiðslunám á Nauthól þar sem hann er undir handleiðslu meistara síns Elnu Maríu Tómasdóttur sem er einmitt fyrrum íslandsmeistari.

Úrslit urðu eftirfarandi:

Íslandsmót Barþjóna – Dæmt eftir IBA reglum:
1. sæti – Reginn Galdur Árnason á Nauthóll með drykkinn Galdur
2. sæti – Árni Gunnarsson með drykkinn Galadriel
3. sæti – Alex Örn Heimisson á Apótekinu með drykkinn Hovdenak vs Henry Hall

Feglegustu vinnubrögðin – Reginn Galdur Árnason frá Nauthól
Besta útlit drykkjar – Lára Katrín Alexanderdóttir frá Nauthól

Þema keppni Tiki:
1. Þröstur Smári Kristjánsson á Sæta Svíninu með drykkinn Úga Bloody Búga
2. Patrick Örn Hansen á Gaia með drykkinn Gettin Tiki With it
3. Edda Becker á Fjallkonunni með drykkinn Sunday

Besta útlit drykkjar – Daniel Charles Kavanagh frá Sushi Social
Fagleg vinnubrögð – Adam Kapsa – Mathús Garðabæjar

Keppnin er haldin samhliða Reykjavík Cocktail Weekend (RCW) hátíðarinnar sem stendur yfir til laugardaginn 9. apríl næstkomandi. Dagskrána má sjá í heild sinni með því að smella hér.

Myndir: Ómar Vilhelmsson