Tveir af færustu kokkum Íslands verða gestakokkar á Strikinu á Akureyri

Nú um helgina 25. og 26. október verður sannkölluð sælkeraveisla á Strikinu á Akureyri þar sem tveir af færustu matreiðslumönnum íslands verða gestakokkar á Strikinu, en það eru þau Hrefna Sætran og Axel Björn.

Hrefna er einn af okkar fremstu matreiðslumönnum og á og rekur tvo af vinsælustu veitingahúsum Reykjavíkur Fiskmarkaðinn og Grillmarkaðinn.  Hrefna hefur verið mikið í sviðsljósinu á sjónvarpskjánum, gefið út matreiðslubækur ásamt því að vera meðlimur í Kokkalandsliðinu um langt skeið.

Axel Björn er yfirkokkur á Fiskmarkaðinum og hefur mótað stefnu hans síðastliðinn tvö ár, hann útskrifaðist af Grand hótel og þaðan lá leið hans til Hrefnu og stýrir hann nú Fiskmarkaðinum sem er einn af betri stöðum landsins. Axel er meðlimur í Kokkalandsliðinu.

Þau hafa sett saman þriggja rétta matseðill þar sem þú velur þína leið á markaðinn:

Forréttir

Humarsúpa krydduð með mandarinum og kókos

Rækju tempura með jalapeno- yuzu dressingu, wakame salati og sætum melónum

Aðalréttir

Grillaður lax með steinseljurótarmauki, epla-og fennel vinagrette og radísum

Nautalund með chilli bernaise, asahi franskar og snöggsteikt bok choy

Eftirréttir

Volg súkkulaðikaka með appelsínu- og lime laufum í kardommusíropi, stökkri karamellu og appelsinu-vanillu ís

Ostakaka með passion sósu, rice crispies marengs og passion sorbet

Verð á herlegheitunum er:

Naut  8.700 kr
Lax  7.400 kr

Þú velur þinn eiginn forrétt og eftirrétt.

Pantaðu borð hér eða hringdu í síma 462-7100

Mynd: aðsend

/Kristinn