Sigurður Helgason: „…nú fara hjólin að snúast hraðar“

Sigurður á æfingu

Sigurður Helgason yfirmatreiðslumaður Grillsins og Bocuse d´Or keppandi er byrjaður að æfa á fullu fyrir Bocuse d´Or Europe 2014.

Já ég er byrjaður að æfa, en fyrsta skref hefur verið almenn skipulagning á æfingum og síðustu vikur hef ég verið að vinna að hugmyndum þá aðallega í meðlætinu, þar sem ég hef ekki vitað hvaða hráefni á að vinna með í keppninni.

En nú er ég búinn að fá hráefnislistann og reglurnar í hendurnar, þannig að nú fara hjólin að snúast hraðar og hægt að hugsa um þemann í heild sinni.

, sagði Sigurður í samtali við veitingageirinn.is aðspurður um æfingar og grunnhráefnið.

Grunnhráefnin sem verða eru:

Fiskur:
Ufsi, Belon ostrur og bláskel að auki þarf helmingurinn af disknum að vera „fresh greens“.

Kjöt:
Swedish young pigs, 6 kg læri á beini, þrjár grísafætur og svo er hægt að velja á milli eða nota bæði: grísablóð og grísagarnir.

Aðstoðamaður Sigurðar er Sindri Geir Guðmundsson matreiðslunemi á Slippbarnum og þjálfari er Þráinn Freyr Vigfússon yfirmatreiðslumaður Bláa Lónsins.

Bocuse d´Or Europe verður haldin í maí 2014 í Stokkhólm og er forkeppni fyrir aðalkeppnina sem haldin verður í Lyon í janúar 2015.  Það er Bocuse d´Or Akademía Íslands sem er handhafi þátttökuréttar íslendinga og á veg og vanda af skipulagningu.

Instagram mynd: Atli Þór Erlendsson