Servida & Besta hefur sameinast Garra ehf.

Garri ehf. Heildverslun hefur eignast allt hlutafé Servida & Besta ehf.  Við þessa breytingu mun Garri ehf. taka yfir alla starfsemi fyrirtækisins frá 1. desember 2013.

Markmið með sameiningunni er að ná fram auknu hagræði og um leið að bæta og auka þjónustu við viðskiptavini og  veita heildarlausn fyrir fyrirtæki og stofnanir.

Meginmarkmið Garra hefur alla tíð verið að bjóða gæðavöru, veita framúrskarandi þjónustu og stöðugleika í vöruframboði.  Með sameiningunni opnast miklir möguleikar fyrir nýja og núverandi viðskiptavini beggja fyrirtækjanna og það er von okkar að viðskiptavinir sjái möguleika í að gera Garra að enn stærri birgja í sínum innkaupum í framtíðinni.

Öll þjónusta við fyrirtæki og fjáraflanir fer í gegnum sölusvið Garra en áfram verður BESTA á Grensásvegi smásöluverslun með hreinlætisvörur.