Michelin stjörnumatur á Kastrup flugvelli

Þeir segja að það hafi ekki verið möguleiki á svo háum gæðum í mat á flugvellinum fyrr. En þrír Michelin stjörnukokkar hafa sett upp popup veitingastað í fríhöfninni á flugvellinum og er staðurinn staðsettur rétt hjá fríhöfninni og öryggishliðinu.

Þeir kokkar sem tóku sig saman og gera þetta mögulegt eru þeir Thomas Rode frá Kong Hans, Mikkel Marschall frá Kadeau og David Johansen frá Kokkeriet, og er hægt að kaupa 3ja rétta seðil fyrir 279 krónur danskar. Mun þetta vera á boðstólunum til 29. september og skiptast þeir á að elda.

Staðurinn verður opinn frá kl. 07°° á morgnana með morgunmat til kl. 10:00 og frá kl. 11:00 til 20:00 er dagsseðill í gangi.

Ég hvet matarunnendur sem leið eiga um Kastrup að kíkja þarna inn og fá sér stjörnumat á tombóluverði.

Mynd: cph.dk

/Sverrir

Taggaðu okkur á Instagram: #veitingageirinn og myndirnar birtast sjálfkrafa á forsíðunni.