Vel heppnað eftirréttanámskeið Garra og Cacao Barry – Myndir

Bjarni Viðar Þorsteinsson, Britta Moesgaard, Kent Madsen og Ívar Unnsteinsson

Garri og Cacao Barry stóðu fyrir eftirréttanámskeiði þann 10. og 11. janúar síðastliðinn þar sem Kent Madsen og Britta Moesgaard léku listir sínar.

Um 120 manns sóttu námskeiðið sem þótti vel heppnað í alla staði. Mikil ánægja var meðal þátttakenda sem voru ýmist matreiðslumenn, bakarar, konditorar, nemar og annað fagfólk.

Námskeiðið byggðist upp á nokkrum meginatriðum og tæknilegum atriðum sem gefa „wow factor“ í eftirréttinn. Þá voru kenndar aðferðir fyrir hjúpun og skreytingar ásamt temprun á súkkulaði svo á eitthvað sé minnst.

Kent Madsen og Britta Moesgaard notuðust við hráefni frá Garra í eftirréttina eins og hágæða súkkulaði frá Cacao Barry, cara crakine, sykraðar hnetur og praliné ásamt öðrum spennandi vörum.

Myndir: garri.is