Veitingastöðum Eldsmiðjunnar á Laugavegi og á Bragagötu hefur verið lokað

Eldsmiðjan á Bragagötu.
Fyrsti staður Eldsmiðjunnar opnaði á Bragagötu árið 1986. Staðurinn hefur verið lokaður síðan í byrjun árs.

Veitingastað Eldsmiðjunnar á Laugavegi hefur verið lokað og staðnum á Bragagötu hefur verið lokað tímabundið. Staðurinn á á Bragagötu hefur verið lokað tímabundið. Staðurinn á Suðurlandsbraut er því eini staðurinn sem enn er í fullum rekstri. Eldsmiðjunni á Dalvegi í Kópavogi var lokað fyrr á þessu ári.

Eldsmiðjan er í eigu Gleðipinna hf.

Jóhann Örn Þórarinsson, einn eiganda Gleðipinna segir ástæðuna fyrir lokun staðanna í miðbæ Reykjavíkur mega rekja til þess ástands sem skapast hefur vegna COVID-19.

„Þetta eru staðir sem voru báðir að fá mikið af ferðamönnum og lifðu að miklu leyti á ferðaþjónustunni. Við erum að meta stöðuna á Bragagötunni en vonumst til að geta opnað aftur þegar við sjáum erlenda ferðamenn koma aftur til landsins. Staðnum á Laugavegi hefur verið lokað, nýr aðili er tekinn við húsnæðinu og hann er búinn að opna annan stað,“

segir Jóhann Örn í samtali við Fréttablaðið, sem fjallar nánar um lokunina hér.

Mynd: facebook / Eldsmiðjan