Þessi hrepptu titilinn Grillmeistarar ársins á hátíðinni Kótelettan

Frá hátíðinni í fyrra

Keppt var um titilinn Grillmeistarinn 2024 á hátíðinni Kótelettan sem haldin var í 14. sinn á Selfossi síðstliðna helgi, dagana 12. – 14. júlí.

Keppt var bæði í flokki áhugamanna og fagaðila þar sem 4 keppendur kepptu í hvorum flokki.

Keppnin fór fram á miðbæjartúninu á Selfossi laugardaginn 13. júlí og keppnisreglur voru eftirfarandi:

• Grilla þurfti kjöt sem keppendum var útvegað.
• Keppendur komu með meðlæti að eigin vali en gáttu að undirbúið það á staðnum.
• Keppendur í hverjum flokki byrjuðu allir að grilla á sama tíma
• Keppendur fengu 45 mín. til að grilla og skila tilbúnum diski til dómara (1 stk.)

Dæmt var eftir:

• Áferð og bragði réttar
• Notkun á hráefni
• Framsetningu
• Almennum Léttleika

Í dómnefnd voru Grilldrottningin – Inga Katrín Guðmundsdóttir, BBQ Kóngurinn – Alfreð Fannar Björnsson, Helvítis Kokkurinn – Ívar Örn Hansen og fulltrúi Kokkalandsliðsins Jóhann Sveinsson.

Kótelettan verður haldin í 15. sinn, helgina 10. til 13. júlí 2025.

Davíð Clausen Pétursson

Grillmeistari Kótelettunnar í flokki fagmanna var Davíð Clausen Pétursson kjötiðnaðarmaður og það í annað árið í röð.

Marín Hergils

Grillmeistari Kótelettunnar í flokki áhugamanna var Marín Hergils

Myndir: facebook / Kótelettan