Það verða allir kokkar að sjá þessa bíómynd

Það kannast margir kokkar við að þurfa að elda mat eftir dyntum annarra, en í bíómyndinni sem heitir einfaldlega „Chef“, segir frá kokkinum Carl Casper sem leikinn er af Jon Favreau, er ósáttur við að þurfa að elda mat eftir hefðbundnum matseðli vinnuveitanda síns.

Við það er vinnuveitandinn ósáttur og dag einn sýður upp úr í orðsins fyllstu merkingu og Carl er rekinn. Hann bregður þá á það ráð að stofna sína eigin matsölu í gömlum húsbíl og fær í lið með sér fjölskyldu og vini sem elska matargerð hans.

Eins og áður segir þá fer aðalhlutverkum Jon Favreau og heill her úrvalsleikara, þ.á.m. þau Dustin Hoffman, John Leguizamo, Scarlett Johansson, Robert Downey Jr., Sofía Vergara, Oliver Platt og Bobby Cannavale.

Myndin verður frumsýnd hér á landi 18. júlí næstkomandi, en hér að neðan er hægt að horfa á sýnishorn úr myndinni:

Mynd: Skjáskot úr myndbandi.

/Sverrir