Súrdeigspizzustaður kemur í stað Texasborgara

Texasborgarar var hamborgarastaður eftir klassísku bandarísku hefðinni sem Magnús Ingi Magnússon, matreiðslumeistari, átti og rak til fjölda ára.

Eins og fram hefur komið þá mun einn þekktasti veitingastaður höfuðborgarinnar, Texasborgarar á Granda, loka 1. maí næstkomandi.

„Við erum að taka við Grandagarði 11 þar sem Texas Borgarar eru til húsa 1. maí og hefjum þá framkvæmdir. Stefnt er á að opna í lok sumars“

, segir Sindri Snær Jensson annar eiganda fataverslunarinnar Húrra og verðandi veitingahúsaeigandi í samtali við Morgunblaðið sem fjallar nánar um veitingastaðinn hér.

Mynd: texasborgarar.is