Strikið á Akureyri – Veitingarýni

F.v. Ómar Skarphéðinsson, Inga Vestmann, Hildur Eir Bolladóttir, Garðar Kári Garðarsson, Heimir Haraldsson, Þórhallur Jónsson og Kristinn Jakobsson

Nú á dögunum kíkti veitingageirinn.is á veitingastaðinn Strikið á Akureyri og var ákveðið að fara í óvissuferð. Ástæða fyrir heimsókninni var að sjá hvað Garðar Kári Garðarsson nýi yfirmatreiðslumaður Striksins hafi upp á að bjóða.

Garðar lærði fræðin sín á Strikinu og fór svo suður til að klára kokkinn og vann sem yfirkokkur á Fiskfélaginu í 3 ár og flutti svo til Akureyrar með fjölskyldu sinni núna í byrjun árs 2014.

Með mér í för var Ómar félagi minn ásamt góðum félagsskap, en það voru þau Þórhallur Jónsson og Inga Vestmann eigendur Pedromynda á Akureyri og Hildur Eir Bolladóttir prestur í Akureyrarkirkju og maður hennar Heimir Haraldsson.

Hugmyndin hjá Strikinu er að hafa eitt óvissuborð í húsinu þar sem einstaklingar og/eða pör borða óvænt saman og fá óvissumatseðil eins og við fengum.

En þá er komið að matnum og drykkjunum, sem var eftirfarandi:

Bjórinn Einstök white ale

Tómatbrauð og smjör þeytt með súrmjólk

Létt og gott brauð, gaman að fá eitthvað annað en pestó

Poppuð svínafita, þurrkað og reykt nautakjöt í soyja og chili með rósmarín kremi

Gott snakk, eitthvað öðruvísi þarna á ferðinni. Bjórinn passaði vel með þessum rétti.

Tommasi Le Volpare Soave 2012

Hörpuskel og selleryrót með humarseyði og dillolíu

Hörpuskel og selleryrót með humarseyði og dillolíu. Vín: Tommasi Le Volpare Soave 2012

Prufuréttur á mateðlinum, mjög góður réttur og borinn fram í fallegum súpuskálum sem voru mismunandi á litin.

Einiberja brennivín

Einiberja brennivín

Íslenskt brennivín sem Garðar kryddaði til og bragðbætti á staðnum. Gaman að fá tilbreytingu frá klassíska brennivíninu

Grafin gæs og hvítlauksristaðir humarhalar með humarkremi

Það er allt gott með humar og ekki var undantekning á því hér.

Spy valley sauvignon blanc 2012

Létt grafin og reykt bleikja með hrásalati
Vín: Spy valley sauvignon blanc 2012

Létt grafin og reykt bleikja með hrásalati
Vín: Spy valley sauvignon blanc 2012

Alveg geggjaður réttur, létt grafin í salt-sykurblöndu og reykt við lágan hita eða 44°c. Borið fram á grjóti og kveikt í koli til að fá smá reyk-show

Brunello di Montalcino 2005

Túnfisktartar, soyja, chili og pikkluð gúrka
Vín: Brunello di Montalcino 2005

Ferskur túnfiskur sem er fluttur inn einu sinni í viku til landsins, ferskur og bragðgóður réttur og rauðvínið passaði mjög vel með þessum rétt

Lamothe Vincent Bordeaux 2011

Frönsk önd með trufflusósu og lerkisveppum úr Eyjafirði
Vín: Lamothe Vincent Bordeaux 2011

Fullkomin eldun og meðlætið alveg steinlá með

Brenndur smjörís-bragðarefur með þrist, sambó-lakkrís og fleiru góðgæti

Kom mjög á óvart hvað brennt smjör í ís var geggjað gott. Eitt orð yfir þennan rétt „Nammi“

Súkkulaðikaka með núgati ásamt jarðaberjaís, hvítsúkkulaðikremi og karmellukremi

Klassískur og mjög góður eftirréttur, eitthvað fyrir alla hér á ferðinni

Var þetta frábær upplifun og mjög góður matur hjá Garðari Kára sem stimplar sig mjög vel inn í norðlenska matarmenningu, einnig hvet ég eigendur Striksins að gera þessa hugmynd að veruleika, gaman að fara út að borða með óvæntum félagsskap og fá mat þar sem eldhúsið fær að ráða.

Hildur Eir hafði þetta um kvöldið að segja:

Maturinn var bæði skemmtilegur og góður, ég bið ekki um meira þegar ég fer út að borða. Þá vil ég fyrst og fremst kynnast einhverju nýju, bragða á einhverju góðu og upplifa stemningu

F.v. Þórhallur Jónsson, Garðar Kári Garðarsson og Kristinn Jakobsson

Takk kærlega fyrir okkur.

/Kristinn Jakobsson