Steiktur saltfiskur með basil Hollandaise sósu, gulrótum og chorizo skinku

Steiktur saltfiskur með basil Hollandaise sósu, gulrótum og corizo skinku

Aðalréttur fyrir 4 manns

Uppskrift – Pækill

1 líter vatn, 100 gr salt, 4 stk anis, 4 stk kardimommur.  Hitið pækilinn svo saltið leysist upp. Kælið svo aftur. Leggið svo 1 kg af þorskhnakka í pækilinn í 3 klst.

Skolið hann svo (ekki útvatna) skerið í ca 4 steikur eða 8 bita. Hitið pönnuna vel, setjið olíu á hana, steikið fiskinn svo á annarri hliðinni í ca 2-3 mín og setjið svo 3 teninga af smjöri útá.

Snúið svo fisknum við og klárið að elda hann. 2-3 mín.

Hollandaise sósa

4 eggjarauður

400 gr brætt smjör

eplaedik

salt

Þeytið eggjarauður í vatnsbaði þar til þær byrja að þykkna, hellið svo bræddu smjörinu rólega útí og þeytið, smakkið svo til með ediki og salt.

Basilolía

Basil 100 gr

Olía 50 ml.

Setjið í blender i ca 2-3 mínútur, sigtið svo olíuna.

Chorizo skinka

Skerið í litla teninga og steikið á pönnu í 2-3  mín

Íslenskar gulrætur

Setjið gulrætur á plötu eða eldfast form og setjið smá olíu og hunangi á þær. Bakið gulrætur svo við 170 gráður í c.a 20 mín og takið út. Skerið þær til og kryddið með salt og pipar.

Gústav Axel Gunnlaugsson

Höfundur er Gústav Axel Gunnlaugsson matreiðslumeistari og eigandi veitingastaðarins Sjávargrillsins.