Reyndur kokkur óskast í vaktstjórastarf á Snæfellsnesi

Fosshótel Stykkishólmur

Íslandshótel leitar að reyndum og ábyrgðarfullum kokki – vaktstjóra til starfa á Fosshótel Stykkishólmi. Vaktstjóri er lykilstarfsmaður í eldhúsi og ber ábyrgð á faglegri vaktstjórn, daglegum rekstri eldhúss og leiðsögn starfsfólks á sinni vakt, undir stjórn næsta yfirmanns.

Vertu hluti af fjölbreyttu og samheldnu teymi sem myndar öfluga liðsheild og veitir framúrskarandi þjónustu.

Helstu verkefni og ábyrgð

• Vaktstjórn í eldhúsi og fagleg leiðsögn starfsmanna á vakt
• Umsjón með daglegum rekstri eldhúss, þar með talið matreiðslu, undirbúningi og frágangi
• Eftirlit með gæðum, hreinlæti og öryggi samkvæmt verklagsreglum og HACCP
• Þátttaka í innkaupum, birgðahaldi og vörumóttöku í samstarfi við yfirmann
• Umsjón með þjálfun og fræðslu starfsmanna á vakt
• Miðlun upplýsinga milli vakta og samstarf við aðra stjórnendur
• Aðkoma að skipulagi vaktaplana og mönnun eftir þörfum

Hæfniskröfur

• Reynsla af sambærilegu starfi er skilyrði
• Menntun sem nýtist í starfi er kostur
• Góð samskiptafærni, jákvætt viðmót og sterk þjónustulund
• Frumkvæði, skipulag og nákvæmni í vinnubrögðum
• Öryggisvitund og þekking á HACCP er kostur

Í boði er húsnæði til leigu.

Fosshótel Stykkishólmur er þriggja stjörnu hótel með einstaklega fallegt útsýni yfir bæinn og eyjarnar í kring. Hótelið er tilvalinn áfangastaður fyrir þá sem vilja ferðast um Snæfellsnesið eða sigla um eyjarnar og skoða hið einstaka dýralíf sem þar finnst. Á hótelinu er að finna hlýlegt veitingahús sem býður upp á a la carte seðil þar sem hráefnið er sótt úr nærumhverfinu og innblásturinn kemur úr náttúrunni.

Lærðu meira um Fosshótel Stykkishólm

Sækja um hér.