RCW hátíðin fór frábærlega af stað – Myndaveisla

Reykjavík Cocktail Weekend byrjaði með pomp og prakt í Hörpu í gær, miðvikudaginn 3. apríl.

Mæting var vonum framar í Hörpu í gær þar sem um 400 manns komu saman og var mikið um gleði og gaman.

15 fyrirtæki voru með kynningarbása á svæðinu og var nóg af nýjum og skemmtilegum drykkjum.

Keppt var í Íslandsmeistaramóti Barþjóna í freyðandi kokteil og í Kokteil með lágu áfengismagni (LOW ABV) þema keppninni.

Fv. Bruno Falcao, Árni Gunnarsson, Grétar Matthíasson, Jacek Arkadiusz Rudecki og Reginn Galdur Árnason

5 komust áfram í úrslit í Íslandsmeistaramótinu og voru það:

• Reginn Galdur Árnason með kokteilinn Purple Haze
• Árni Gunnarsson með kokteilinn Arwen
• Bruno Falcao með kokteilinn Red Sparkle
• Grétar Matthíasson með kokteilinn Volvoinn
• Jacek Arkadiusz Rudecki með kokteilinn Strawberry Letter 23

Þessir barþjónar keppa svo til úrslita. Á laugardaginn fara fram skrifleg próf og þef og bragð prófi, og svo á sunnudaginn fer fram hraðakeppni þar sem keppendur þurfa að útbúa 5 mismunandi kokteila á sem skemmstum tíma.

Fv. Kría Freysdóttir, Sigurjón Tómas Hjaltason og Freyja Þórisdóttir

Þau 3 sem komust áfram í þema keppninni voru:

• Freyja Þórisdóttir með kokteilinn Berry Blossom
• Sigurjón Tómas Hjaltason með kokteilinn Royal Fizz
• Kría Freysdóttir með kokteilinn Pikachu

Úrslit verða svo kunngjörð í báðum flokkum á loka viðburði RCW á sunnudaginn!

Einnig fór fram úrslita kosning um kokteilabar ársins 2024, en þar var kosið um 5 staði sem komust áfram í netkosningu fyrr í vikunni.

Þeir staðir sem kosið var um voru:

• Blik Bistro
• Jungle
• Bastard Brew & Food
• Tipsý
• Skreið

Nóg er svo að vera á RCW yfir helgina og hvetjum við fólk til þess að kíkja á rcw.is fyrir frekari upplýsingar!

Myndir: Sigurður Valdimar